18. DESEMBER
Solrun Toft Iversen, teatersjef ved Hordaland teater
1) Hva går jobben din ut på?
Eg leier arbeidet ved teateret, både i administrasjon, produksjon og kunstnarleg verksemd. Det viktigaste eg gjer er å gje flinke folk gode rammer for å kunne vere nettopp flinke, og vise dei at eg stoler på det.
Det er mitt ansvar at vi lagar teater som publikum opplever som relevant i deira liv og at vi leverer kvalitet. Det mest spanande med dette er å legge repertoar og finne Hordaland Teater sin plass mellom mange andre gode teater.
2) Hvordan var ditt forhold til teater som ungdom?
Eg har alltid sett veldig mykje teater, og i tenåra laga eg også mange framsyningar sjølv. Eg har alltid visst at eg ville jobbe med teater og bli dramaturg. At eg no er teatersjef visste eg nok ikkje då. Eg er framleis heilt forelska i å jobbe med teater, så det har ikkje endra seg det spor.
3) Hva har vært din sterkeste teateropplevelse i 2018?
Det er veldig vanskeleg å svare på! Eg trur eg har lyst til å framheve» 11 år» av Goksøyr Martens.
4) Hvilke forestillinger gleder du deg spesielt til i 2019?
Eg gler meg masse til andre del av vår eigen «HEIM» som Eirik del Barco Soleglad har regi på. Så ser eg veldig fram til «Alt det lyse» på Sogn og Fjordane Teater. Miriam Prestøy Lie har regi på denne og det er ei fantastisk historie. Til sist er eg, nok i lag med mange andre, heilt sikker på at eg må få med meg «Charlie og sjokoladefabrikken» på Det Norske Teatret. Dramatiseringa av Stig Holmås sin «Regn» på DNS vert også veldig spanande.
5) Hvordan skal du feire julen?
Då skal eg vere heime i Bergen saman med familien min. Eg har akkurat blitt bestemor så eg trur det vert ekstra stas i år. Vi skal ete, synge, spele brettspel og bere slenge oss i sofaen i lag. Jula er den beste tida på året og eg elskar å gå rundt juletreet og lage mat.
